Saturday, March 8, 2008

علاج الصدمه العصبيه

قد تعرضت في حياتي لصدمات كثيرة..............ياما دقت على الراس طبول. كل ما اخد لامؤاخده خزوء اقول أديني خدت 1000 خزوء مجتش من 1001 ف عادي ال1001 بقه 1002 و 1003 و في الأخر أيقنت أنه طالما اتنفس في الحياة فا الخوازيق ستكون لانهائيه.قد بكيت كثيرا من الخوازيق و من خبيت الأمل اللي راكبه جمل.......أنا راكبه لحد دلوقتي 7877234298 جمل اي والله ولو كنت أبكي في بئر لأمتلأ على أخره ............. و بمناسبه أخر صدمه عصبيه تعرضت لها، قعدت أعيط فيها اسبوعين بحالهم اليكم الوصفه السحريه و العلاج لعله يكون عونا لكم في صدماتكم
أولا : إعرف إن أصعب حاجه هم أول 24 ساعه من الصدمه حيبقوا 24 ساعه اسود من قرن الخروب بجد، ستشعر ان الدنيا بتلف بيك وان بداخلك مرارة، و انك تتنفس بصعوبه، و ان نفسك ألأرض تتشق و تبلعك ,وان الحياة ملهاش معنى و ياريت لو تجيلك حمه تاخدك و تريحك. أما تحس بالأعراض دي افتكر ان دي اول 24 ساعه بس ال 48 اللي بعد كده هيكونوا اسهل عليك.تاني يوم الصدمه صدقني صدقني هيكون صعب بس مش زي أول يوم هيكون الموضوع أقل حده و تالت يوم هيكون أقل تقوم تدخل في أول اسبوع و بعدين تاني اسبوع شهر بلكتير و كأن شيئا لم يكن مجرد ذكريات و حنين. فدايما حط في دماغك أنا دلوقتي في اول يوم بكره هكون أحسن
ثانيا: تذكر دائما إن ربنا دايما بيعمل ال في خير لينا حتى لو احنا شايفينه الشر كله ، ربنا دايما له حكمه مش شرط تعرفها دلوقتي و مش شرط تعرفها أصلا لكن ثق ان الربنا اختاره هو ا ل فيه الخير.فدايما أما تاخد الصدمه قول لنفسك أكيد هو ده الخير و قول الحمد الله على كل حال . الحمد الله دي كلمه سحريه قلها كذا مرة عند الصدمه ستجد أنها كلبلسم عل الجرح بس قولها و انت حاسسها و كلك يقين. و لو حمدت و صبرت ربنا مش هيسيبك هيقف جمبك و يخرجك منها كأن شيئا لم يكن. و هيعوضك. سٍاعات الصدمه بتبقى اختبار من ربنا بيشوفك هتعمل ايه.....لو حمدت و صبرت و احتسبت أضعف الإيمان هينسيك و يساعدك تعدي منها ان مكنش هيعوضك........جرب تنام على إذاعة القران الكريم و تصلي ركعتين بنية الفرج و تقرا سورة ياسين هتصحى تاني يوه حاسس انك أحسن بكتييييير.
ثالثا: الحياة مش هتقف عند حد أو حدث معين حياتك هتستمر. هتروح و هتيجي و هتشوف و تسمع و تتكلم و تتفاعل......لا مثلا هتتخرس من الصدمه ولا هتتعمي و لا هتحبس نفسك في البيت للأبد.........ثق ان حياتك هتستمر طالما انك انسان عايش و بتتنفس.عمر ما حياتك هتقف بعد الصدمه هتتشل لفترة لكن لازم هترجع تاني لحد ما تبقى طبيعيه
رابعا: لو عندك القدرة على البكاء عيط لحد ما تحس ان دموعك خلصت و نشفت أما تتعب من العياط هتبطل تعيط......اصل مستحيل هيبقى عندك القدرة على البكاء للأبد لازم حتتعب من كتر العياط ساعتها هتحس أنك طلعت كل الحزن الي عندك و مباقاش في حاجه تانيه تطلعها....أنا بفضل أعيط لحد ما عنيا تورم و توجعني و أبقى مش قادرة أعيط تاني.
أخيرا : ادعولي اني أجتاز هذه الأزمه على خير على الرغم أنها ستترك في نفسي مرارة لفترة طويله.

11 comments:

ربيع said...

مش فاهم حاجه

misha & lado said...

اتفق فقط علي الجزء الاول الخاص بفلسفة (الخضوع لقدرية الخوازيق) وانها شئ مسلم بيه ولابد منه لاستمرار الحياة الطفيلية التي نعيشها
*******
ولااتفق علي الباقي لاحتوائة علي ابعاد ايدولوجية
*******
الخازوق الذي لا يقصم مؤخرتي فهو يقويني .. ويجعلني اكثر احتمالا للخازوق اللي بعده
- مقتبس من فيلم عمر المختار بتصرف

Marvel said...

ربنا معاكي..وانشاءالله تعدي الازمة على خير

محمد عبد الغفار said...

ربنايعينك

Anonymous said...

سؤال بسيط... ليه وقت المشاكل والضغوطات ...؟؟ يكون الحل باللجوء لله وحده وقراءة القران والصلاة..
وقت الرخاء والحياة الطبيعيه... يستكبر الأنسان يقول انا حر وخلونا ناخذها بالعقل.. والحجاب تخلف ورجعيه... والرسول مات من 1400 سنه .. وقتنا يحتاج فصل الدين عن سياسية الدوله ..

daimon

الحمقاء المضلله innominate x said...

عزيزي ديمون أهلا بك......فينك من زمان

عود أحمد......÷دا هو الإنسان يتدكر الله فقط في الشدة

ربيع said...

برضو مش فاهم حاجه ، و اطالب بالفهم يا فندم

MASRY said...

مدونة مميزة وموهبة مميزة

الباحث عن الحقيقة said...

بوست هايل
ربنا يعدي ازمتك على خير

someone in life said...

عزيزتي

وصفتك اكثر من رائعه و فعلا الحياة لا تقف عند أحد و لا عند حدث دائما ندعوا الله بالصبر و الرحمة
فك الله كربك و اعانك

تحياتي

Anonymous said...

ان هانت عليك نفسك فهى على الآخرين اهون! صدقينى ياعزيزتى اذا كنا طول الوقت فاكرين ربنا وعايشيين بذهن صافى من كل شئ الا اننا نرضيه مش هنحتاج اى علاج لاننا اصلا مش هننصدم لان ربنا بيهيئ عباده المخلصين فى طاعته وراضيين بقضائه لاى صدمة وبيخليهم دايما اقوى منها لان ارتباطهم بربنا بيكون اقوى بكتير بارتباطهم بالدنيا وصدمتها وعشان كده الدنيا بالنسبة لهم مجرد ساحة اختبار كل همهم انهم يفوزوا برضى ربنا في النهاية واى خساير في فترة الاختبار مادمت بعيدة عن رضا ربنا فهى وان صح التعبير موتة فى لعبة الحياة نقدر نكمل بعدها اللعب ونفوز كمان مادام مانكتبش على الشاشة اللعبة انتهت! ربنا يجعلك ويجعلنا من الناس دول ويوصلنا لعظمة مكانتهم عنده قولى آمين ويوم ما ننول النعمة دى لازم نحمد ربنا عليها ونرجوه ان يديمها علينا ويساعدنا اننا نجاهد المجاهدة اللى يرضها عشان يحفظها لينا من الزوال فهو خير حافظ وهو ارحم الراحمين